مصاصو الدماء

 

مصاصو الدماء اسطورة فلكلورية بتتحدث عن بشر بيعيشو عن طريق التغذي عجوهر الحياة ويلي هوي بيكون عالأغلب دم الضحايا من بشر أو حيوانات ,كيانات مصاصي الدماء كانت مكتوبة ومدونة بتاريخ وثقافات الشعوب عأساس تكهنات المؤرخ الأدبي بريان فروست وكان الايمان فيها قديم كتير من قدم الأنسان وحتى يمكن بيرجع لعصور ما قبل التاريخ.

مصطلح مصاصي الدم ما كان معروف ومنتشر لحتّى أوائل القرن الطمنطعش,بعدين بلشت تتدفق هالخرافة لغرب أوروبا من منطقة أوروبا الشرقيّة والبلقان وهي مناطق كانت هالقصص والأساطير متكررة فيها بشكل كتير كبير أدت لهستيريا جماعية من قبل العامّة وحتى وصلت ببعض الحالات لحتى أنو الشعب كل ما يشوف جثّة يربطها بمصاصي الدماء.

فلكلورية مصاصي بمنطقة البلقان الدماء بلّشت تاخد بعد كبير وصارت تنشر قصص عن أنو مصاصي الدماء ما عادو على شكل بشر وصار وهني على هيئة جثث,وكان نجاح جون بوليدوري بالـ 1819 يلي بدأ بالعمل عشخصيات مصاصي الدماء الخياليّة ويصورها على انها شخصيات جذابة ومتطورة وبلشت تقريبا بأوائل القرن العشرين أشهرهم كان دراكولا وفارني.

بس رواية دراكولا لبرام ستوكر سنة 1897 كانت هيي جوهر روايات مصاصي الدماء ويلي عملت الأساس لبقية الروايات الخيالية لمصاصي الدماء.

صُور دراكولا بالميثوليجيات الحديثة عـ أنو مستذئب وشيطان وعالأغلب كان هالشي للتعبير عن المخاوف وهموم الحياة وكمان للتعبير عن الخوف من النظام الأبوي الفيكتوري,
نجاح هالرواي ولّد نوع مميز من مصاصي الدماء حتى انو لساها بتتمتع بشعبية بالقرن الواحد والعشرين,بواسطة الكتب والأفلام وألعاب الفيديو وبرامج التلفزيون صار مصاص الدماء شخصية رعب مهيمنة أما هلق فصار المؤرخة الأدبية سوزان سيليرز هيي يلي بتصنع خرافات مصاصي الدماء .

المصدر ويكيبيديا
ترجمة Danny