مرحبا اخوتي
من ضمن قراءاتي اللي خلصتها بهالاسبوع
كتاب للسورية - وفاء سلطان - واسمو <نبيك هو أنت لا تعش داخل جبته>
وفاء سلطان معروفة جدا بمواقفها المناهضة لإديولوجيات الدين الاسلامي
وهي أكيد أخدت شهرتها بعد ظهور متكرر على شاشة الجزيرة وشاشات أخرى
وكانت شهيرة بجرأة مواقفها وعلنية كتير فيها
المهم مع اني انا ضد الأسلوب الكيدي بالكتابة ولو كانت الافكار الموجوة واللي عم أقراها بتوافق وجهات نظري
ورغم انو ببعض المطارح بهالكتاب منحس انو الكتابة عم بتم بطريقة كيدية بس ما فيني أخفي أنو بيحوي على معلومات مهمة جدا وبتخلي كل واحد فينا يسأل كتير أسئلة
و أحيانا يعرف أشيا ما كان متوقع انها تكون موجودة او حتى لو كانت موجودة ما يتقبها
بخصوص الدين الاسلامي
بالكتاب اللي هوي يعتبر صغير الحجم بعدد الصفحات -100- صفحة
بتتحدث وفاء سلطان انو كيف المعتقدات الدينية بتلعب بالبرمجة العصبية للانسان وللي بيصير أسير لهي العقائد اللي ما بتتفق مع المنطق واحيانا بيكون أسير ألها رغم رفضو العلني لها لمعتقدات
وهالشي بتقول الكاتبة ناتج على المعتقدات المتشربينها وبتكون موجودة بعقلنا الباطن
وبتوصل احيانا الكاتبة لتبرير بعض اعمال الناس اللي منقول عنهون متشددين وهالتشدد بيرجع للعقائد اللي عم تنغرز بعقولنا وببيئتنا
الكتاب من النوع اللي لا بأس فيه
واذا بتحبو قروه لانو كتير راح يثير تسأولات عندكون                            zen