"الوقوع" في الحب!

 

قريت خبر بجريدة السفير من شوي.. وهيك أنا بآخر مراحل نشاطي.. قبل  نومي بشوي.. يعني تلات رباع محشش بدكن تقولوا.. فـ أخد معي هيديك الصفنة!

بيقول الخبر:

أشارت دراسة جديدة إلى أن الوقوع في الحب يستـــغرق خُمس الثانية، ويرتـــبط بإفـــرازات كيمــيائية معيـــنة.
ووجد الباحثون في جامعة «سيراكيزو» في نيويورك أن الوقوع في الحب يحفز 12 جزءا من الدماغ مسؤولا عن إفراز مواد كيميائية مثل دوبامين، وأوكسيتوسين، وأدرينالين، وهذه المواد تحفز تلقائياً عند تناول جرعة من الكوكايين.

وقالت الباحثة التي قادت الدراسة ستيفاني أورتينغ إن «هــذه النتائج تثبت أن الحب له أسس علمية» متســـائلة «هل القــلب هو الذي يقع في الحب أم الدمـاغ؟»

وأوضحت أورتينغ أن «للقلب دوره أيضاً في العملية لأن مبدأ الحب المعقد يتشكل من خلال عمليتين من أسفل إلى أعلى ومن أعلى إلى أسفل أي من الدماغ إلى القلب ومن القلب إلى الدماغ». وأشارت الدراسة أيضاً إلى مناطق مختلفة من الدماغ لها علاقة بالحب، فحب الأم لطفلها يحفزه منطقة وســـط الدماغ، أما العشق فينتج عن منطقة في الدماغ مخصصة للشعور بالمكافأة.

وأوضحت الدراسة أن معدلات بروتين تعرف باسم «عامل نمو العصب» ترتفع في الدماء عند الوقوع في الحب، وهذه المادة هي المسؤولة عن «الحب من النظرة الأولى».
السفير .

أول شي.. ليش بيسمّوا الوقوع في الحب.. "وقوع" في الحب؟
إنو ليش وقوع؟ ضروري يتعوّر الواحد إذا حب!


تاني شي.. شو رأيكن بالمدة اللازمة للوقوع بالحب؟ 1/5 ثانية على ذمة الدراسة؟
هلق حسب ما بذكر.. وقعت كذا مرة بهيدي الجورة تبع الحب اللي عم يحكوا عنها.. بس ما حسبت قديش أخدت وقت هالوقعة! حدا منكن حسبها شي؟


تالت شي.. برأيكن.. شو دور القلب ع المزبوط بهالوقعة؟
خوش المستورة ستيفاني ما فهّمتني شي! (شو يعني بالله: من الأعلى للأسفل.. ومن الأسفل للأعلى؟) بعرف إنو بيصير يدربك ع ذوقو.. بس ما بعلمي بيفرز شي (مو القصة كلها كيميا؟)


ثم.. شو مشان الحب من أول رِجل؟! (ع قولة دريد لحام)
قال طلعت القصة شوية بروتينات زيادة بالدم.. بتخلي الواحد يوقع بالشو اسمو!



آخر شي.. هل لديك أقوال أخرى؟



لأ وقال شو؟
المواد اللي بيفرزها الدماغ وقت الحب.. نفسها بعد جرعة كوكايين! يا أهلين..


فـ هيك.. إذا كنت نعسان قدّي.. حلل.. وناقش مع شآم 

هون