يا صبح اضحاك بس كرمالها
واسرق من الليل نجوم لخلهالها
وكلما تسبّل عيونا خجل
طلّع شمس من خيطان شالها
يا صبح بوّس خدودها عني
طمّني هالحلوة كيف احوالها
لا تتململ زورها يوميّة
يمكن عغفلة تحمّلك مرسالها
وان شفتها سارحة امشي عالهدا
يمكن خيالي مارر عبالها
أو شفت الشفق بفية الشباك
دَوزَن وتر عودو وغنالها
وجمّع عصافير الدني
ولملم ندي من عالي جبالها
لا تقلها شرقت الشمس
بخاف عليها ... بتغار من حالها
......
عم يسألني الليل حلوة متلي
أو متل جمالي جمالها
قلتلو اعذرني ياليل
بيطلع تكون آه بموالها
أو شي حبة عقيق داخت
ومعلقة بسلسالها