ويكيليكس أمارتا



في ظل تفشي الفساد في الأنظمة الإدارية و الأحزاب الإنفصالية و الحركات الرجعية الفاشية أو الرأسمالية و السيتوبلازمية لا مناص لنا إلا من كشف حقيقة المؤامرات التي تحاك و الفبركات التي تذاع للشعب ،نحن فريق عمل ويكليكس أمارتا نعلن و بكل عناد وقوة و تحدي إمتلاكنا
ل ٤٥٦٧٦٥ مليار وثيقة و بيان ما بين تصريحات و تحقيقات و قرارات ...الخ
تتصف و تصنف تحت عنوان :بالغ السرية و الحساسية، حصلنا عليها من مصادرنا الخاصة!!
و نبلغ الجميع مشرفين و إداريين و أمناء بأن وثائقنا لن ترحم أحد*

ويكيليكس أمارتا

من أجل الحقيقة ...

 

ذو العينين البراقتين ......الذي يحدد المصائر

 

 

مقلاية .. أمارتا .. حمّيلو لقلك ..

 

مرحبا.. شبيبتنا الاكابر .. بما انو الدنيا .. عيد وبما انو الشعب الامارتي .. بنوب ما بحب .. يجيب سيرة حدا بالعاطل ولا يحكي من ورا ضهر حدا بنوب.. ومانها من صفات الشعوب العربية ابدا ..

وما بحبو بنوب انو يحطو مقلاية حدا ويضلو عم يلعنو سلسفيل العيلة شيتو للزلمة .. لحتى .. هيكي .. تنبخش طبلة ادنو .. فـ حبينا هالشي ما يصير من وراه لهالزلمة .. وهيك نطشو .. المقلاية بنص خلقتو .. ونقلو خيو عما نحكي عليك وجاوبنا من تمك بلا ما تشتغل .. ام عبدو .. وام تحسين بلت وحكي عليك ويطلع عليك 100 قصة و100 سيرة كمان ..

خيو شروط المقلاية ما كتيرة .. .. انو اهم شي ما يجي حدا يلعن سلسفيل اللي شو اسمو .. للي عما يسال .. وانو ما تكررو اسئلة انحطت لنفس الزلمة من قبل ..

نوعو بالاسئلة وما تضروري تكون الاسئلة جدا سطحية .. جربو تتعرفو اكتر عالشخص من جواتو .. وهيك ..

اي .. فـ .. ولح نحط قائمة .. بالاسماء .. شيت المقلاية بحيث انو ما تتكرر هالاسم مرة تانية .. لدورتين .. متتاليتين يعني اللي بينقلى هي المرة المرة الجاية ما لح ينقلى بالدورة الجديدة .. اللي بعدا ممكن ان كان في اعضاء جداد كتير صار وهيك وحابين يلحشوه بيرجعو بيلحشوه ..

وهلم جره ..

فـ هلا لح نبلش بحدن مع اني ما اخدت اذن حدن ابدا .. بس بدنا نبلش بحدن .. ولح يكون هالحدن .. يا حزركم مين مين ..

شو رايكم انو نبلش بناي ؟؟

اي اي خلص ناي .. اتفقنا

يلا .. ورجونا زيتاتكم شو لح تعمل .. والحشولها الاسئلة العجيبة الغريبة لنشوف ..


وهادا الفهرس مشان تفقش يطلعلك المقلي ع السريع...
                                                                       يمان
nay
مطر
ساريتا
سيمونمجنون يحكي
المحارب العتيق

بدك تشوف القلي على اصولو المقلاية هون

سردات تحشيشية

أنو من أول يوم شرفنا بي طلتو البهية وعد بتغير..........وفعلاً من أول لحظة بلش يتحفنا التغير ....بتجاه الهاوية........
هاد الصعود نحو الأسفل........بتحس حالك.........طاير رجليك لفوء وراسك لتحت.......
وبنشكور الرب........أنو ما زال......وما نفتئ.........وما برح.........بيوعدنا بتغير........وكل يوم عن يوم عم بتحس في تغير جديد........لك شو بدكون بل حكي في تغير ولو
وهنيء لنا ولكم بي رجل التغير
موضوع ئديم حششت فيو بزمنات رح نزل القدام تبعو وبنكفي
ودورها

****
هوي خريج جامعي........عم يشتغل شوفير تكسي........بعد الدوام.......وبيطلع من الوظيفة + التكسي 15000 ليرة سوري وبيكمل شهرو بدين
وتاني طالع من صف السادس..........وراح عا خليج شتغل بي مجال المبيعات......لبسو طقم وكرافة.........وبيطلع بشهر شي 500000 ليرة سوري....
فل تحيا تكافئ الفرص.......وليعش العلم

****
يوم صبح عا نفس الموال بيفيق الصبح.......بيغسل وشو........بيحس حالو ئرفان من مي الي عم بيغسل فيها........وبيغلي فنجان الئهوة......وبيشعل سيكارتو متل العادة.........بيصوفن هديك الصفنة........بيطلع بل حيطان الي حولي......وبيتم ساكت.....وهون بيدون نفس بيئول لك اي وبعدين؟؟؟؟؟!!!!!!
بيلبس تيابو.....وبيشغل هل السيارة........وبيطلع بهل الناس الي بسيارتها وماشية عا طريق نفس الوجه ما بتتغير........لك ينعن الطرء هل العيشة بي وشوش حالو هوي وئرفان.....بيوصل عا هل الشغل........نفس الروتين ونفس كل شي بينعاد........كأنو نفس الشريط كل يوم........بيرجع بليل عا بيت بحط راسو وبينام.....وبيفيق الصبح......وألخ الخ

****

في موزنبيق الشقيقة.........تتألف من........الأمر بكلمة الله من شرقستان.........و رجال دولته من طوالستان......وشعب يتألف من كمشة خبراء.........واصحاب النفوذ........الاول والاخير في موزنبيق.........بياكلو الأخضر واليابس.........وشعب أشبه بل العبيد.........الذين يطابون بحريتوهم.........فيجدون رجال طوال ستان لهم بل المرصد.ودامت أمتنا خالدة إلى الأبد

****

سمع عن حرية ودرس عنها كتير........ولما بلش يبطئها..........أول شغلة عملها.......تحرر من ذاتو!!!!!!!!!!
وضوع هويتو من شان يصير حر
وكاسك يا حرية

****
أنو طول عمرو أبن هل الشعب......وبينادي بثورة وحرية.....وديموقراطية....وطول عمرو شايل هموم هل الناس وداير فيها....مؤتمرات..مسيرات...وأعتقال وشغلتو شغلة ما بيعرف فيها غير الله.....تقول ملاك ما هيك.....ويوم من الايام.....وإذا بيصير مسؤول حارة كل مين أيدو الو......ومن يومها.....صار كأنو نازل من سما بعلبة......حكي من روس مناخير....كولبة حراسة ع باب بيتو...بدك أزن ل مقابلتو شي ست شهور وهات حتى يفضى يحكي كلمتين.......وأن كنت رجال فتاح تمك بي كلمة أو رفاع راسك ئدوام.
الله يدم الكراسي نعمة ويخلي هل المسؤولين ملزئين فيها لابد الابدين

****
بطريقك بعد ما تطلع على جسر فيكتوريا.... و بعدين تفوت بشارع الثورة...و بتمرق من تحت جسر الثورة بتشوف بوشك. ....سوء الحرامييه......جمع حرامي...
و بما أنو العصر عصر عولمة.....و عصر اقتصاد السوق.....و عصر العالم الذي تحول إلى قرية صغيرة...و بعصر الانفتاح و الاندماج.....و الحاضنات و تحالفات الشركات و الانصهار و الذوبان و التأقلم و التعايش.....و علوم التسويق و الادارة و ادارة الاموال ................
فـا بظن أنو ينهد سوء الحرامييه و يعمروا برج عالي كتير و يسموه اللصوص مول......وبودعك أخر وداااع

****
يعني بقعة ضوء ..............؟؟؟؟؟؟؟؟
ليش مو بقعة عتم ...............؟؟؟؟؟
أو ليش مو شي 2 كلم مربع ضوء.....أو شي مجرة درب التبانة ضوء ؟؟؟؟؟؟؟؟؟
معئول توفير للكهربا!!!
يعني مشان ما تطلع الفاتورة.....وااااااو......و ما عطوهون رخصة مديرية الكهربا ليسموها....كيلو ضو أو كيلو واط ضو


بقلم شامي للنخاع
بقية السردات التحشيشية